送給BB嘅第一份手作禮物-Donald Duck Blanket

諗咗好耐，親手整咩俾我個BB ^^樣樣野都想整!!

要特別，好玩，又要實用，最後選咗 Blanket !

Donald Duck　造型當然又係首選啦

Blanket 摺疊左之後個款！

公仔分開晒配件嚟鉤，今次唔需要組合成立體公仔

好好玩，Blanket就係佢嘅身體

只鉤平面又好似好單調

選擇有小小立體又要考慮到本身公仔唔可以太重

所以綿花都係加左小小，有小小脹卜卜感覺

唔想Blanket成張都係冷線鉤，咁BB只可以係冬天用

最好四季都可以用，又有公仔可攬住

聽好多朋友講個個小朋友都會有一張去到邊帶到邊嘅Blanket

所以決定身體用綿布去整，本身打算出去買

要搵適合小朋友用，

又軟熟透氣，防敏感．．．．真係好多限制

＾＾

 大家係唔係覺得張Blanket熟口熟面呢

加入某媽媽會去聽講座會送嘅禮物，質地好好，好啱拎來用

 度咗尺寸之後，就要計返個針數，開窿

 用冷線鉤邊

 之後再組合

Donald Duck Blanket

希望BB會鐘意啦

P.S　等BB 過6個月或一年就可以開始用

如剛出世就唔建議用

KJ ♥ 花車 @ 車門花

車門花其實都起點睛的作用

一早問定幾架車

需要整幾多組

選左3款花

當然要襯返本身隻主色

 最重要係要加返幾條唔同色靚靚長絲帶

最好長短不一

車行緊時絲帶飄下飄下好好睇呀

再係底加個網製蝴蝶結

配好晒材料就開始組合啦

同埋都要注意各個角度

正面好緊要

 thanks 細佬妹幫手組合

係極短時間內整好

最後就用多條束帶做好固定

以方便到時扣係車門度

溫暖牌男裝頸巾

 印象中男裝款頸巾都係用棒針

今次諗到不如用下鉤針嘗試下都好

搵到鐘意又易襯衫嘅色

就開始鉤啦

計左個長度先

完成之後好鐘意呀

又方便轉2圈套上就ok

不用再諗如何繞圈

送給Mr.J , 24/12/2014

KJ ♥ Logo Design

對我來講,成個婚禮最難係諗個Wedding Logo

幫人地design 好快手，知道對方要求就好易，成個畫面即刻出晒嚟

到幫自己整時，因為太了解，諗太多，反而好猶豫

兩個英文字母，同日期係一定要啦

其他如何表達呢，由兩人最喜歡既野著手

Mr.J 本身都踢波，知道佢係阿仙奴球迷，係唔係可以響呢個方向諗呢

 

　　　

 而我就鐘意所有美好事物，興趣多元化，

但我呢一刻最幸福就係做Mr.J嘅新娘

所以我給自己一頂皇冠

點樣將足球，阿仙奴，皇冠，兩人英文字母，名，日期呢ｄ元素加落個LOGO

決定咗兩隻主色，整咗隻初稿俾Mr.J睇，

佢竟然第一眼就睇我想表達既野，問我係阿仙奴？
HA覺得自己花思冇白費到

經過多次修改，兩人都OK之最終定案

掛上個台個樣

 

當然要問左擺酒地方拎左尺寸先！

喜帖個蠟印亦都由呢個LOGO抽出部分design

英文字母，足球，皇冠，個印好精緻，咁細微野都整到！

 ♥

 ♥

 個LOGO亦都運用係愛的宣言及Candy corner

♥

♥

整LOGO有樣好重要！

一定要睇得清楚，果兩個英文字母

即係離遠都望到就最好啦

完成個LOGO

係BIG DAY 前10天拎去印

4天可拎！不能提早太多去印，以防起泡泡！

最後個logo亦都有改一改印係Thank You card 封面

亦都有自己再整個黑色版本睇咗個效果先

之後先俾廠燙銀，出嚟效果比想像中好！

KJ ♥ 火漆印章 ．另種玩法

今次唔係直接印係帖封上

而係整係A4 透明膠folder上

 火漆量多同少，都影響住個形狀

 試咗好多款

 呢個方法真係易過直接印係帖封上

唔洗五分鐘全可以拎起

再係個蠟印背面加貼上雙面膠紙

貼上帖封

咁就唔需要等寫好晒D帖先整

又快又方便

如果係我整我D囍帖時知道呢個方法
就可以更快地完成！＾＾

 之前唔知用呢個方法

我係直接印上帖封

因第一次整，都煉習咗好多次，

用咗好多帖，先慢慢掌握到，整得好睇．．．．．

同埋直接印係帖封
又要留意唔好印係帖封口既中間位置

ｄ人拆時多數都拆爛晒，
所以有十分一印到就可以啦

＾＾

無意中溝色，買咗隻粉紅色，好靚呀

因為用完紅金色，再用粉紅色，

竟然溝咗D紅金色落粉紅色，出來幾特別

  

 整咗幾個蠟印帶去西歐honeymoon

貼係明信片度寄番香港

貼嘅時候，有人問我個印好靚
係咁邊度蓋

我話自己整嘅
有埋我地名同日期好有意義呀

當然我地去玩半個月
返到香港佢已經寄到來屋企啦

另一個就係貼係把鎖度

咁就變左有自己LOGO嘅鎖啦！^^

帶住佢出發去法國！！

好多玩法，唔一定只適用係封帖上

如果有準備小回禮

都可以貼係上面

都係設計的一種！

因為想整D有自己LOGO又類似貼紙
先發現呢個方法
真係好好用！

KJ ♥ 訂造有自己LOGO嘅Thank You Card

Big Day 果日冇揀即場派相係有原因

好想張卡有自己LOGO，同埋D相冇經過自己果關

係唔會想派俾D親戚朋友，想做得好D!

婚前太忙，婚後先著手搵曬相，印卡公司

搵咗好耐先搵到，膽粗粗就試下印，出嚟效果出奇地好！

 一直都鐘情D簡約，型嘅設計

卡方面佢有好多隻色選擇　

（冰白， 鈦白， 白金 ，金黃， 金銅， 紫紅，

黑寶星，  銀灰，粉藍， 粉紅， 淺紫， 等）

我就揀咗銀灰色，250G珍珠紙

個LOGO+字係燙銀(佢都有燙金色）

燙嘅位尺寸咗同，又唔同價錢（分三個尺寸）

當然 file 係我提供俾間鋪

佢地有好多選擇可自由搭配 

 連最細微既圈都印到出嚟，

呢個位我本身預佢印唔到

印成點圓我都接受到嘅

＾＾

 英文字又OK，細微地方都冇紋到

D色好實！同張卡好襯

呢個LOGO為咗燙銀都有小小修改

係對翼嘅位置，

所以做LOGO時要搞清楚想燙上色既位置

我就做咗一隻黑色稿去睇上色的效果

 D花紋都燙出嚟，好清晰呀!

英文名做咗反白，更清楚！

 

卡本身一張1.5RMB

我揀咗燙銀（個LOGO+英文字）

做係揀咗嘅尺寸裡

計返一張$3HKD，好平，

又可以有自己專屬

Thank You卡

 ＾＾　

只有封面做咗個燙銀

里面就冇再印或燙

因為對我來講已經好OK！同埋靚

如覺太簡單

可以買埋D印返來印或寫返多謝說話

或再自己DIY都ok

 準備好入相啦

 曬咗600幾張相呀

執相都執咗個幾月，執相係一件痛苦嘅事

通常Big Day 相係唔包執相，只執光暗！

自己識執，當然自己做返！＾＾

 講到曬相，格晒價，同埋有個朋友結婚都係呢間曬

0.63一張，10天可拎

用Kodak premier dogital paper

本身同佢講D相執晒色可直出

店員都好詳細回答我D問題

又同我講執咗相都會CHECK D相嘅色

話每個場地都有燈光問題，所以佢地知相執過都會CHECK

好再我個攝影影出來都OK，我又自己執晒D相

拎到相大至都OK啦，顏色OK

美中不足，有幾張相整到D黑色點，同埋有幾張尺寸唔啱

幾張CUT到LOGO，及上下或左右有白邊

共有70張要印過，打電話去問過，佢地都可以幫我重印，不另收費

 算係咁啦

我收到THANK YOU卡由俾FILE到印起寄到香港

只係5日時間，超快起貨 

 包好多層，但都有幾張個角折到

如買，可能要求佢用紙箱會好D

但吾知需吾需要另外加錢

＾＾