鉤個精靈球袋

 

鉤個精靈球袋=冷線+扭蛋殼

由玩Pokemon GO之後就想整好耐

剛好有合適的扭蛋殼 

兩個扭蛋殼係有連接位果種

亦需要有個扣果種 

 

選擇由底部開始鉤起
沿扭蛋殼尺寸鉤
鉤到殼的一半邊位就可以收線
另一半亦是係由最頂鉤落中間位置

圖中用了綠色扭蛋殼其實同白色同款

鉤好兩個半圓
再加上個扣位
咁就鉤好個精靈球

鉤埋條帶加落去就變成一個斜揹細袋

囡囡歳幾時成日揹住

用來放佢自己D嘢

^^

BB版＠冷線足球

 

見用五角型拼接個球形幾得意

所以用冷線鉤個足球

俾阿b玩

個足球由12個五角形組成

 

顏色可自由搭配

我揀咗淺色系

 

先揀顏色排好位置,用珠針固定

再開始組合

 

選用白色線去縫亦有襯色效果

埋口之前

再裡面加咗幾個　”啷啷”

一玩個足球時就會發出聲響

阿b超鐘意，而家問佢”入咗波”要點樣吖

佢會高舉雙手，好激動地講  "yeah~~~~"

訂造 - 結婚公仔@邪留丸&龜姬

今次來圖訂造嘅比較特別

係一對結婚人型公仔 ----> 邪留丸&龜姬

睇落好高難度，即時上網搵套卡通片參考

係冇鉤圖可跟情況下，唯有自已邊鉤邊修改
製作時間雖長，但我好鐘意，因每個部份都要諗下點整
好有挑戰性

同客人溝通完之後就開始製作

 

配色好緊要

就算未整五官都好易認出

邪留丸著褲版^^

五官用左冷線再加不織布整

整體公仔，我覺得五官最難整

龜姬公主

配色同飾物跟卡通

五官就冇跟到，呢個係肥美版^^

頭飾因應個頭尺寸度住來鉤
咁先唔會太大或太細

衫同裙都同邪留丸既褲用同樣既鉤法

第一次整頭髮，邊整邊改，

希望整到影出嚟會立體D

&
修改版

因為客人要求，邪留丸既褲改成和服款

更見成熟穩重^^

面亦加圓D

個客係 邪留丸迷，仲提我個頭後面要整個" W" 型
平時我地應該唔會留意到
完成各樣細節之後，當然要整返個花座啦

今次係整心型花座

龜姬仲加埋頭紗

花座後面唔係成日睇，
但都要加上各式各樣嘅花
 遮住D吉位

今次用咗大大朵玫瑰花
好搶眼

頭紗為左逼真 D
用挺身嘅白紗加再上LACE，好襯 

 

下圖係客人SEND返俾我！^^

仲話返俾我知，當日好受歡迎！

好開心＾＾

祝新婚快樂

BB的熊貓造型- Newborn Photography

 整俾bb既手作，一定唔少得係鉤衫，

因為BB提早10日出世， 令原本好努力鉤緊既玩具要中斷

呢段時間學習照顧BB，係BB訓覺時我又有返手作時間啦

當然係準備影Newborn相

 

影相場地佈置

 場地：屋企張KING SIZE 床

道具方面：買咗塊毛毛墊，結婚時過大禮既大生果籃，白色布N塊，咕N個

最重要係成幅牆都係大窗咁就有自然光ar ^^
當然唔少得親手DIY頭飾及鉤左套熊貓造型衫俾BB

 熊貓造型帽

BB出世係細碼，所以度左個頭圍之後

開始鉤，但BB日日都大緊，為咗追BB頭圍大細

唯有邊鉤邊度^^ (因唔想太大或太細，戴唔到）

 冷底褲？？？

應該話冷尿片，我度住尿片大細來鉤

同埋會套係BB度，度下尺寸

當然要加埋鈕扣，方便調教鬆緊

 Pat pat 位加咗個波波——尾巴

 再鉤多兩層花邊，著起上來更加立體

 打開之後，係唔係好似尿片！

 

 白色鈕扣，用塑膠質地，輕得來又唔會刮到BB

褲仔著上身，尺寸剛好

 My lovely baby^^

 ***************************

攝影: Bubble and Nikki mama

Thank you !!!

訂造私家奶咀鏈

訂造私家奶咀鏈，

本身想車布條，再上柳釘，

 又諗起係bb展攞嘅贈品又可拎嚟改造吓

 俾bb用當然要色彩繽紛，

串珠仔再加埋英文字母

好獨一無二呢

 係個夾嘅位置加上MINI版鉤公仔，

可平面，又可立體．

如立體就加D棉花，等佢有脹卜卜感覺

阿B係羊年出世，梗係要鉤隻羊咩咩襯下先！

 當然唔扣奶咀時可扣玩具，變身防掉帶

一物兩用

送給BB嘅第一份手作禮物-Donald Duck Blanket

諗咗好耐，親手整咩俾我個BB ^^樣樣野都想整!!

要特別，好玩，又要實用，最後選咗 Blanket !

Donald Duck　造型當然又係首選啦

Blanket 摺疊左之後個款！

公仔分開晒配件嚟鉤，今次唔需要組合成立體公仔

好好玩，Blanket就係佢嘅身體

只鉤平面又好似好單調

選擇有小小立體又要考慮到本身公仔唔可以太重

所以綿花都係加左小小，有小小脹卜卜感覺

唔想Blanket成張都係冷線鉤，咁BB只可以係冬天用

最好四季都可以用，又有公仔可攬住

聽好多朋友講個個小朋友都會有一張去到邊帶到邊嘅Blanket

所以決定身體用綿布去整，本身打算出去買

要搵適合小朋友用，

又軟熟透氣，防敏感．．．．真係好多限制

＾＾

 大家係唔係覺得張Blanket熟口熟面呢

加入某媽媽會去聽講座會送嘅禮物，質地好好，好啱拎來用

 度咗尺寸之後，就要計返個針數，開窿

 用冷線鉤邊

 之後再組合

Donald Duck Blanket

希望BB會鐘意啦

P.S　等BB 過6個月或一年就可以開始用

如剛出世就唔建議用