牛皮手機套之計錯數啦

由計數到畫紙樣
一針一線完成
過程搞出好多笑話
更開心係款式可以自由發揮
今次做左個簡單款式
熟識o下,下次就可以玩d特別款!

thx vi提供既牛皮!!正

今次整o既款好男仔
不過加左lace之後
即時女仔o左喎

^^

上色!

原來上色係好煩既一件事...但當睇完上色後,

即刻覺得煩得好值得...

妹妹俾左一個耳環座我,隻色都幾好睇,

但我鐘意白色......所以自己郁手上色.........

上色前!

上色前後!

回憶的一部份!＠珍珠

古董feel既手鏈....這已是10年前diy!!!

前面既銀部份係同一個外國人買既.....

圓型係可以打開,裡面可放東西

兩邊的珍珠係80年代時,爸爸買返來既頸鏈拆出嚟

細細個已喜歡上珍珠配飾了

想不到呢幾年也愛上玩手作!^^

 

 

 

 

北歐風格

日系風格之外一直都好喜歡北歐

吾知係吾係有親人係果邊生活既關係

覺得一直帶著神秘色彩

之後作品亦都想多一些異國風彩

呢份禮物係1月中既時候送出

送給一位見到我總跟我大談藝術既朋友

覺得好得意

做設計工作成10年了,再也沒有當初既興奮,因為習慣左

但見到呢位朋友總是令想起自己剛入行既時候

多謝你帶給我不一樣既心情

^^

印上lace之後......

當透明金莎盒印上lace之後感覺好正!~

今年既聖誕禮物

沒錯，各位朋友，佢就係今年既聖誕節禮物，識做啦，見到我，記得問我拎！

送完就無啦！

之前玩水晶膠，又要自己配藥水，又要睇份量，又要等，先整到出來

吾知邊個發現，原來呢隻玻璃石仔整出來效果同水晶膠差吾到！

最緊要係等既時間只係水晶膠既ｎ份之一時間！

好玩

＾＾

白色印台（補充左印台介紹）

整晒ｄ客訂作品，每件包裝都想用新！

６月買既白色印台派上用場了

印 lace 係透明既袋度真係好正

簡單一個印，立即好有 feel

又快又方便

取代了我之前用既紙 lace

＾＾

＋＋＋＋＋＋＋＋＋＋＋＋＋＋＋＋＋＋＋＋＋＋＋＋＋＋＋＋＋

吾好意思，大家

呢２日我個ｙａｈｏｏ　ｂｌｏｇ回覆吾到留言

問題我係呢度回啦

呢個印台專係印　透明袋　玻璃　膠面 金屬 皮革等物料

而布就吾得＾＾！！

個牌子名係　Stazon Opaque

一共有六隻色，

(Baby Blue, Butter Cream, Soft Liiac, Cotton White, Mellow Mint, Blush Pink)

我用既係　Cotton White

相中右邊果支係白色印台液,要用時先倒落去呀,而個印台係乾既!

（我用既時候只倒左小小出嚟，同埋印左係物料之後，最好平放吹乾！

因好快乾，相對印台短時間內吾用個蓋就吾好打開啦

印既時候最好又快又準，按一下就ｏｋ，不要停留太耐，同埋吾好手震

一震，圖會出現疊影，就吾好睇啦

呢隻係油性,吾係是但抹下就ok,要小心d,

要買返專清潔印台用品返來一齊用!

希望呢ｄ資料幫到大家

玩得開心ｄ

 

講起白色印台同皮革，就係我嚟緊會玩既設計啦！＾＾

 

P.S 有blog友仔問我個印係邊買,我請日本朋友在日本買返來

不過聽聞而家香港尖沙咀既log-on 也有得賣

有想買既朋友可以去睇下

我買係一整套既,咖啡色鐵盒

里面有"小鳥,鳥籠,大lace印,細lace印,長條lace邊,懷表,古董鑰匙

希望你地買到啦!

^^

鍾情．ｌａｃｅ

由開始玩手作開始，選購材料時

總是情不自禁買左好多ｌａｃｅ

搞到自己吾敢數下究竟買左幾多

而朋友見到特別既都會買送俾我！！！＾＾

將２款特別鐘意既造成頸鏈，好適合呢個夏天！！

又係鳥＾＾第一眼就覺得隻鳥應該掛上去！ｈａ

另一款花，特別鐘意佢不同既線織係一齊又係米白色棉！正

隻猫講:"我都想擁有一個"

佢話:"咁正,我都要返個較剪套"

返hk,當然要借下細佬隻cat來影下相啦!!!

放左把較剪岩岩好呀!正!

謝謝你地...真係好好玩!!!

 

欠人cat一隻,等我!!!!!好快就有啦!!!^0^

 

拉坯玩陶－我既作品 (9月18更新--完成品!!)

上個月就拎左返來啦,一直都未有時間影!!!

上完色之後真係好好睇!!!!自己都吾捨得拎來用!!!

里面都係上左色!!!

@@@@@@@@@@@@@@

台北既”鶯歌”

果日天氣超好，以成日落雨既台北來講，已係好好天啦！

老師每個基本步驟會先做一次，等學生可以明白其中既原理

老師亦都會問學生想整咩野先，先開始

我開始拉啦！好驚

整到中間，發現中間位個大細一直無改變到．原來自己手勢吾ｏ岩

老師就很認真教我！哈，教左好多次

最後就整到比較似樣啦

當然中間自己想到ｄ咩或是其他意見，都可以問老師

老師就會教你拉出你想整既型出來

等玩夠之後就可以請老師幫手拎起個作品啦！

而家我就係度簽左名先，同加上裝飾（係另用道具拓左自己要既形狀）！

（上圖未燒前）

咁就完成左啦，好開心，整個過程連ｄ土，先６０元ｈｋｄ

玩左成２個小時（其實係無限時間既），

好快就可以擁有一個自己整既陶瓷作品啦

有紀念價值！

最後如果要燒（上色），就係放係老師到佢會幫手燒既，

２－４星期先有得拎

如果吾上色，就係（上圖未燒前）可直接拎走！！

我當然要放係老師到等佢燒，要再２星期先有得拎

好期待呀！　＾０＾ｑ

其他人既作品

爐！

好好玩，有睇過”人鬼情未了”嗎

入面２個人一齊玩”拉陶”好浪漫好正！

不過當日老師講，２個人４隻手係無辦法拉到野出來

因為拉陶時好易壞！哈

呢間野係台北既”鶯歌”

http://www.yingge.tpc.gov.tw/accessibility/introduction_1.html

要去都幾方便，搭捷運之後再轉搭火車！

果日係開車去，吾知詳細搭車路線

所以有興趣既朋友可以上個網頁去睇下！！