哈哈哈
開心Ｃ我啦，對於布不在行既我
花左一個晏朝既時間
整左人生中第一個匙包！！！
真係好好玩！！！
包布邊是最難既，而我又選用有彈性既麻布，
所以布邊走來走去，搞到自己要邊縫邊燙
好在配色出來都係我鐘意既！
由ＣＵＴ布，到一針針手縫完！
到打鈕，加上匙扣
一手一腳整出來
果種開心，好難形容！！！
用左得意既兔仔布
向ＶＡＮＶＡＮ買既
http://hk.myblog.yahoo.com/vanvanblog
多謝Tracy細心的教導
多謝古國，ＶＡＮ，ＢＥＬＬＡ 送既布！
2008/9/29
第一次入魔界 (bbq+手作仔聚會）
第一次入魔界,今次既聚會有好多人去呀!!!!
好多blog友仔係第一次見!
多到我記左好耐,先知邊個打邊個!
@@@@@@@@@@@@@@@@
開始上堂啦!!!好開心
呢位同學仔要我影佢最認真既樣!!!但只準影個頭 頂:p
呢對都好忙,其中一位同學仔同我一樣好鐘意穿好長既線
我地又坐埋一齊!!
但係佢係用左手拎針,我用右手............都幾驚嚇......幾危險!!
呢個就係我既匙包,完成左3分一
縫完啦(不過係最尾果幾個)哈
呢位同學仔2下就槌好啦,吾似我槌左十幾下!!!^0^
早知叫你幫埋我啦!!!!
tracy幫我地準備既工具
當日多謝你既教導!!!
總成績!!!!^0^
整完就開始bbq啦
以前蒸既就食得多!
第一次係bbq既時候烤扇貝,真係好特別!
多謝魔生,魔太為大家準備既野!!!
好好味既cake
係慧達整俾 lu 既生日cake
個款又特別!!!
係度同lu講"生日快樂"呀
生日禮物後補!!!!
2008/9/21
MINi版 古董衣車
上星期六,約左幾個朋友去行深水步
買左好多鐘意既野
不過今次吾敢買太多,
屋企實在有好多材料未用!!!
呢個mini版 衣車我好鐘意
真係好細件!!^0^
婆婆家有一架呢種古董衣車
對我來講好多回憶
一見到即刻買左佢!!!
2008/9/16
拉坯玩陶－我既作品 (9月18更新--完成品!!)
上個月就拎左返來啦,一直都未有時間影!!!
上完色之後真係好好睇!!!!自己都吾捨得拎來用!!!
里面都係上左色!!!
@@@@@@@@@@@@@@
台北既”鶯歌”
果日天氣超好，以成日落雨既台北來講，已係好好天啦！
老師每個基本步驟會先做一次，等學生可以明白其中既原理
老師亦都會問學生想整咩野先，先開始
我開始拉啦！好驚
整到中間，發現中間位個大細一直無改變到．原來自己手勢吾ｏ岩
老師就很認真教我！哈，教左好多次
最後就整到比較似樣啦
當然中間自己想到ｄ咩或是其他意見，都可以問老師
老師就會教你拉出你想整既型出來
等玩夠之後就可以請老師幫手拎起個作品啦！
而家我就係度簽左名先，同加上裝飾（係另用道具拓左自己要既形狀）！
（上圖未燒前）
咁就完成左啦，好開心，整個過程連ｄ土，先６０元ｈｋｄ
玩左成２個小時（其實係無限時間既），
好快就可以擁有一個自己整既陶瓷作品啦
有紀念價值！
最後如果要燒（上色），就係放係老師到佢會幫手燒既，
２－４星期先有得拎
如果吾上色，就係（上圖未燒前）可直接拎走！！
我當然要放係老師到等佢燒，要再２星期先有得拎
好期待呀！ ＾０＾ｑ
其他人既作品
爐！
好好玩，有睇過”人鬼情未了”嗎
入面２個人一齊玩”拉陶”好浪漫好正！
不過當日老師講，２個人４隻手係無辦法拉到野出來
因為拉陶時好易壞！哈
呢間野係台北既”鶯歌”
要去都幾方便，搭捷運之後再轉搭火車！
果日係開車去，吾知詳細搭車路線
所以有興趣既朋友可以上個網頁去睇下！！
2008/9/8
第一次教鉤大ｓｉｚｅ既袋，有幾大？睇左咪知囉！
呢個袋係朋友鉤既，
其實佢係一ｄ都吾識鉤針，
成日見我玩手作仔，佢又想自己做ｄ野
就選擇左鉤袋，係我買ｄ書入面選左一個長方型既袋叫我教佢
佢仲要係吾大都吾學呀，好搞笑
原本個袋係長方型，之後佢學鉤左個底ｄ針數吾岩數，
漏左好多針，佢同我一樣吾鐘意數針數，哈
我就覺得吾使拆，自己設計個袋好過
就幫佢設計左呢款，同埋加大左個圈！
慢慢一層層教！討論
一齊去選線（呢隻係紙線），選布
買齊之後就開始學啦
呢個朋友真係好認真，
日日係放工之後１個鐘頭，２個鐘頭又好走來搵我教佢！
（邊教邊鉤，鬧出左好多笑話）
一齊討論，整錯左我就堅持吾拆！教佢加針減針既方法來整
加埋朵花，用左特別既冷線，冷裡面係有銀色閃線的
呢個花係自己二年前為左去玩創意市集所設計既款，
今次拎出來送俾朋友，佢就想加埋ｌａｃｅ咁就變成新既一款花
扣係個袋度，係吾係好正呢！
個袋都好大一個，放到好多野
做埋內裡，怕個口太大，所以內裡用束帶既方式
朋友仔花左２個星期既放工時間同放假時間就完成左呢個袋
隻手掌到而家都仲會酸痛，
一係吾識，一識就鉤咁既大件野，
仲要吾係用冷，係用紙線
不過就好佩服呢個朋友仔，可以堅持咁耐
如果係我都無咁既耐心鉤一件咁大既袋
但整個過程好玩，又好笑，雖然吾係自己鉤，
但我比佢更開心！
2008/9/7
你鐘意收集貝殼嗎？
由細細個我就好鐘意收集貝殼
屋企已俾我集左好多樽貝殼啦，去到每一個有貝殼既沙灘
我都會拾ｄ貝殼返屋企！
幾年前就收到台灣朋友寄來既，
台灣綠島既”星沙”係星星形狀既貝殼，當時都係吾可以帶出來個島
朋友偷偷帶出來寄俾我，不過放左係香港屋企，等下次再影出來分享啦
＊＊＊＊＊＊＊＊＊
上個月朋友去左帛琉玩，帶左好特別既貝殼俾我
超開心
就係呢個種貝殼啦，
有小小厚度，佢係空心既，吾可以太大力會碎～＿～”
可以想像成一塊又平又圓既石頭,只不過佢係空心!得個殼
呢個細既係２.５ｃｍ，大既係４.５ｃｍ左右！
同埋好輕，見吾見貝殼表面有個花既形狀
好特別呀，係每一個吾理大小既貝殼都有一朵！！！
個貝類有大有小，最大就吾知幾大，朋友講當地人講俾佢聽，
有見過好大既，好完整的，不過而家就好少啦，同埋係吾俾帶出國
＾０＾,
吾小心既墾丁之旅
２年前去墾丁玩，拾左好多貝殼返屋企
返左去洗緊既時候先發現自己拾左一隻寄居蟹回家..........
打算先養佢，之後再去墾丁再帶佢返去，點知只養左一個多月就c左~+~
你鐘意收集貝殼嗎？
由細細個我就好鐘意收集貝殼
屋企已俾我集左好多樽貝類啦，去到每一個有貝殼既沙灘
我都會拾ｄ貝殼返屋企！
幾年前就收到台灣朋友寄來既，
台灣綠島既”星沙”係星星形狀既貝殼，當時都係吾可以帶出來個島
朋友偷偷帶出來寄俾我，不過放左係香港屋企，等下次再影出來分享啦
＊＊＊＊＊＊＊＊＊
上個月朋友去左帛琉玩，帶左好特別既貝殼俾我
超開心
就係呢個種貝殼啦，有小小厚度，佢係空心既，吾可以太大力會碎～＿～”
呢個細既係２.５ｃｍ，大既係４.５ｃｍ左右！
同埋好輕，見吾見貝殼表面有個花既形狀
好特別呀，係每，一個吾理大小既貝殼都有一朵！！！
個貝類有大有小，最大就吾知幾大，朋友講當地人講俾佢聽，
有見過好大既，好完整的，不過而家就好少啦，同埋係吾俾帶出國
＾０＾,
吾小心既墾丁之旅
２年前去墾丁玩，拾左好多貝類返屋企
返左去洗緊既時間先發現自己拾左一隻寄居蟹回家..........
都養左成個月，之後打算帶佢返去墾丁，點知只養左一個多月！
2008/9/4
2008/9/1
迷你不織布蛋糕
我好迷蛋糕呀
吾理係咩質地既材料，我都想試下整
上星期出去玩時，
見到一間教室竟然有賣迷你不織布蛋糕材料包
當然好快手買左３款
ｄ材料包係剪好晒
我為左可以整出更多其他吾同既蛋糕仔就畫晒佢地既紙型
自己再剪多一次不織布，
（以前不織布多數用來整公仔眼，所以對不織布係不熟識既）
自己剪不織布係可以習慣佢地既圓，
剪極都吾圓，當然就用吾到啦，
我就真係剪左好多次先成功，同埋要有耐心
剪得多會更順手啦
睇埋說明，及自己買既書
就開始整啦
個蛋糕真你好細件
好好玩
＠＠＠＠＠＠＠＠＠＠＠＠＠＠＠＠＠＠＠＠＠
三角型蛋糕（材料包一）
（放係手上係吾係好細件呢）
三角型蛋糕只買了中一款，
其他就睇書上既造型跟住剪ｄ小配件啦，同埋可以自由配色
＠＠＠＠＠＠＠＠＠＠＠＠＠＠＠＠＠＠＠＠＠＠＠
生果塔（材料包二）
個果塔拉太緊，令佢更加細件，
下次整要鬆返小小先！！！＾＾”
＠＠＠＠＠＠＠＠＠＠＠＠＠＠＠＠＠＠＠＠＠＠＠＠
三角慕斯蛋糕（材料包三）
呢種款雖然叫三角，但佢有一邊係有小小圓型
有ｄ難度，不過我最鐘意既係呢款！
覺得佢色配得好好睇！
呢個波浪型既邊邊研究左好耐！
原來要圓，吾可以有尖角！咁先會好睇！
＠＠＠＠＠＠＠＠＠＠＠＠＠＠＠＠＠＠＠＠＠＠
整左第一件之後就好沉迷，
一有時間就剪左ｄ配件先！
睇見都流口水！！！
細細件係吾係好得意！
第一次整，還有好多地方需要改進下！
＾０＾
訂閱：
文章 (Atom)
