BB的熊貓造型- Newborn Photography

 整俾bb既手作，一定唔少得係鉤衫，

因為BB提早10日出世， 令原本好努力鉤緊既玩具要中斷

呢段時間學習照顧BB，係BB訓覺時我又有返手作時間啦

當然係準備影Newborn相

 

影相場地佈置

 場地：屋企張KING SIZE 床

道具方面：買咗塊毛毛墊，結婚時過大禮既大生果籃，白色布N塊，咕N個

最重要係成幅牆都係大窗咁就有自然光ar ^^
當然唔少得親手DIY頭飾及鉤左套熊貓造型衫俾BB

 熊貓造型帽

BB出世係細碼，所以度左個頭圍之後

開始鉤，但BB日日都大緊，為咗追BB頭圍大細

唯有邊鉤邊度^^ (因唔想太大或太細，戴唔到）

 冷底褲？？？

應該話冷尿片，我度住尿片大細來鉤

同埋會套係BB度，度下尺寸

當然要加埋鈕扣，方便調教鬆緊

 Pat pat 位加咗個波波——尾巴

 再鉤多兩層花邊，著起上來更加立體

 打開之後，係唔係好似尿片！

 

 白色鈕扣，用塑膠質地，輕得來又唔會刮到BB

褲仔著上身，尺寸剛好

 My lovely baby^^

 ***************************

攝影: Bubble and Nikki mama

Thank you !!!

訂造私家奶咀鏈

訂造私家奶咀鏈，

本身想車布條，再上柳釘，

 又諗起係bb展攞嘅贈品又可拎嚟改造吓

 俾bb用當然要色彩繽紛，

串珠仔再加埋英文字母

好獨一無二呢

 係個夾嘅位置加上MINI版鉤公仔，

可平面，又可立體．

如立體就加D棉花，等佢有脹卜卜感覺

阿B係羊年出世，梗係要鉤隻羊咩咩襯下先！

 當然唔扣奶咀時可扣玩具，變身防掉帶

一物兩用

送給BB嘅第一份手作禮物-Donald Duck Blanket

諗咗好耐，親手整咩俾我個BB ^^樣樣野都想整!!

要特別，好玩，又要實用，最後選咗 Blanket !

Donald Duck　造型當然又係首選啦

Blanket 摺疊左之後個款！

公仔分開晒配件嚟鉤，今次唔需要組合成立體公仔

好好玩，Blanket就係佢嘅身體

只鉤平面又好似好單調

選擇有小小立體又要考慮到本身公仔唔可以太重

所以綿花都係加左小小，有小小脹卜卜感覺

唔想Blanket成張都係冷線鉤，咁BB只可以係冬天用

最好四季都可以用，又有公仔可攬住

聽好多朋友講個個小朋友都會有一張去到邊帶到邊嘅Blanket

所以決定身體用綿布去整，本身打算出去買

要搵適合小朋友用，

又軟熟透氣，防敏感．．．．真係好多限制

＾＾

 大家係唔係覺得張Blanket熟口熟面呢

加入某媽媽會去聽講座會送嘅禮物，質地好好，好啱拎來用

 度咗尺寸之後，就要計返個針數，開窿

 用冷線鉤邊

 之後再組合

Donald Duck Blanket

希望BB會鐘意啦

P.S　等BB 過6個月或一年就可以開始用

如剛出世就唔建議用

KJ ♥ 花車 @ 車門花

車門花其實都起點睛的作用

一早問定幾架車

需要整幾多組

選左3款花

當然要襯返本身隻主色

 最重要係要加返幾條唔同色靚靚長絲帶

最好長短不一

車行緊時絲帶飄下飄下好好睇呀

再係底加個網製蝴蝶結

配好晒材料就開始組合啦

同埋都要注意各個角度

正面好緊要

 thanks 細佬妹幫手組合

係極短時間內整好

最後就用多條束帶做好固定

以方便到時扣係車門度

溫暖牌男裝頸巾

 印象中男裝款頸巾都係用棒針

今次諗到不如用下鉤針嘗試下都好

搵到鐘意又易襯衫嘅色

就開始鉤啦

計左個長度先

完成之後好鐘意呀

又方便轉2圈套上就ok

不用再諗如何繞圈

送給Mr.J , 24/12/2014

KJ ♥ Logo Design

對我來講,成個婚禮最難係諗個Wedding Logo

幫人地design 好快手，知道對方要求就好易，成個畫面即刻出晒嚟

到幫自己整時，因為太了解，諗太多，反而好猶豫

兩個英文字母，同日期係一定要啦

其他如何表達呢，由兩人最喜歡既野著手

Mr.J 本身都踢波，知道佢係阿仙奴球迷，係唔係可以響呢個方向諗呢

 

　　　

 而我就鐘意所有美好事物，興趣多元化，

但我呢一刻最幸福就係做Mr.J嘅新娘

所以我給自己一頂皇冠

點樣將足球，阿仙奴，皇冠，兩人英文字母，名，日期呢ｄ元素加落個LOGO

決定咗兩隻主色，整咗隻初稿俾Mr.J睇，

佢竟然第一眼就睇我想表達既野，問我係阿仙奴？
HA覺得自己花思冇白費到

經過多次修改，兩人都OK之最終定案

掛上個台個樣

 

當然要問左擺酒地方拎左尺寸先！

喜帖個蠟印亦都由呢個LOGO抽出部分design

英文字母，足球，皇冠，個印好精緻，咁細微野都整到！

 ♥

 ♥

 個LOGO亦都運用係愛的宣言及Candy corner

♥

♥

整LOGO有樣好重要！

一定要睇得清楚，果兩個英文字母

即係離遠都望到就最好啦

完成個LOGO

係BIG DAY 前10天拎去印

4天可拎！不能提早太多去印，以防起泡泡！

最後個logo亦都有改一改印係Thank You card 封面

亦都有自己再整個黑色版本睇咗個效果先

之後先俾廠燙銀，出嚟效果比想像中好！

KJ ♥ 火漆印章 ．另種玩法

今次唔係直接印係帖封上

而係整係A4 透明膠folder上

 火漆量多同少，都影響住個形狀

 試咗好多款

 呢個方法真係易過直接印係帖封上

唔洗五分鐘全可以拎起

再係個蠟印背面加貼上雙面膠紙

貼上帖封

咁就唔需要等寫好晒D帖先整

又快又方便

如果係我整我D囍帖時知道呢個方法
就可以更快地完成！＾＾

 之前唔知用呢個方法

我係直接印上帖封

因第一次整，都煉習咗好多次，

用咗好多帖，先慢慢掌握到，整得好睇．．．．．

同埋直接印係帖封
又要留意唔好印係帖封口既中間位置

ｄ人拆時多數都拆爛晒，
所以有十分一印到就可以啦

＾＾

無意中溝色，買咗隻粉紅色，好靚呀

因為用完紅金色，再用粉紅色，

竟然溝咗D紅金色落粉紅色，出來幾特別

  

 整咗幾個蠟印帶去西歐honeymoon

貼係明信片度寄番香港

貼嘅時候，有人問我個印好靚
係咁邊度蓋

我話自己整嘅
有埋我地名同日期好有意義呀

當然我地去玩半個月
返到香港佢已經寄到來屋企啦

另一個就係貼係把鎖度

咁就變左有自己LOGO嘅鎖啦！^^

帶住佢出發去法國！！

好多玩法，唔一定只適用係封帖上

如果有準備小回禮

都可以貼係上面

都係設計的一種！

因為想整D有自己LOGO又類似貼紙
先發現呢個方法
真係好好用！