KJ ♥DIY一個絲花花球用幾錢？

成個婚禮決定兩隻主色,

即係粉紅同紫色，同埋都要襯返宴客地方既紫色系 Deco
本身都諗緊鮮花好定絲花好，但又偏向DIY絲花球多ｄ

主要係想自己整，如鮮花放吾得耐，自己又冇時間係大婚前一日去買

所以決定買絲花自己DIY LA

去深圳買中式材料時俾我見到個絲花花球 RMB45  ^^　 

完全係我鐘意既款，因為另一朋友買左，老闆娘即時整多個俾我

仲可以要求佢加多2朵主花同埋加多左D配襯既葉

＞＜忙買中式用品時冇睇住，老闆娘將花莖剪到好短呀，果邊興？

唯有返香港再補啦

（呢個花球係香港果間"ｘ都"賣緊250HKD ) ^^

買果時太趕，冇買到其他色既花，

返到香港再買多束粉紅既絲花（HKD30)加返落去

因要加花，同埋要補救，手握位太短問題，

我拆開成個花球重組　＾＾

一層層捲上絲帶

當然吾少得要再加一行閃石

呢張係 Big Day 近賓時影既相

因為太搶眼，好襯我當日每套衫，連套褂都襯到

我就冇特別再整其他花球

呢個由早上用到夜晚

估吾到可以HKD80內完成呢個花球

當然呢個咁有意義既花球就係新屋書櫃Deco LA ^^

KJ ♥ Donald Duck & Daisy Duck 簽名筆

 準備左3對 (Donald Duck & Daisy Duck )

作為囍宴當日既簽名筆

一共鉤6隻加埋配件,用左我幾日時間

冇鉤圖唯有自己睇住Donald Duck修改

 

d筆捆左銀色絲帶先 

買左可放筆既玻璃樽，當然要裝飾下啦

貼上精心挑選既LACE ^^

 ^^　好細粒既Donald Duck

為左度尺寸，都拆左好多次線，

而最難整係眼，要搵到啱用既眼睛，先整得似

所以每隻Donald Duck都唔同樣呀　＾＾

MINI版本＾＾

 Daisy Duck ．我覺得個樣整得吾似

之後有時間都想再鉤隻似ｄ

整左條LACE裙俾佢，用左古董LACE，好挺身

加上珍珠鏈及閃石

 好有著婚紗FEEL!!

 Donald Duck & Daisy Duck

 囍宴當日可當擺設又實用

Donald Duck 又跟埋我地去 honeymoon ar

好好玩！！

KJ ♥ 結婚相薄封面DIY

 酒席送左一輯韓式室內婚紗相，
（話明送，即係得相20張咩都冇係常識，之後加左一個好吸引價錢，
有本相薄，1油畫，1相架，婚紗禮服款任選，原本就白色一件，紗都冇．．．．．）

影下熱下身都好！

當然加第1次錢就有第2次，第3次......但我只係最初由送既加左少少就中止左呢個無止境加錢，相20張就20張，吾加。特別效果吾要，我自己識整，彩色更好。

封面黑色，我接受到，一早想自己加D野DIY。

（P.S揀相時，Mr.J 好驚訝我點可以忍到手吾加相，^^

因為我仲會影另一間公司另一輯完全吾同風格既婚相）

之前構思封面貼石，但冇玩開貼石，仲煩惱緊點整，

後來朋友介紹一間TAO買成幅燙石，仲快，吾洗一粒粒貼上！

即TAO返嚟試下，度左自己本相薄尺寸

買合適既長尺

整幅貼上

 度好位置貼上後加多塊毛巾，用燙既方法

 咁就燙上個封面度，當然有ｄ位置石要補一補，吾係大問題

 燈光下都幾閃下

完成品，好滿意！

本身個封面黑色易襯，但就咁黑色就普通左D

又想同另外2本相薄襯到，

吾想再做水晶面，超重，有一本係水晶面已夠

呢個方法，超LIKE !!

平，靚，正!!!

KJ ♥ 完美婚戒 ．訂造款

每個人心目中都有自己一套審美觀

有人鐘意名牌，有人鐘意簡單．．．．

其實我都鐘意名牌子，

但點解我要用好貴既價錢去買人地既LOGO

或者一式一樣既設計．．．

冇錯，我想擁有屬於自己既一對婚戒

婚前有段時間，放工，假日就係去睇婚戒

差吾多行晒全香港金鋪，名牌店，各牌子

就係冇果種一睇就想俾錢買既感覺

最後就諗下去睇朋友介紹果間店（細鋪，係商場）

驚吾驚．D野係吾係真．．（乜諗法都出現過）

 去之前都上網搵下資料，見都有人係呢間買．．．．

 當然又係拉埋Mr.J一齊去睇

竟然係呢間鋪搵到想立即俾錢訂既感覺．．

可以自己設計，修改，自由搭配！！！！好正

18K白金

90度角刻字（呢款設計搵左好耐）

婚戒正面有一圈細碎鑽，呢個係佢本身個設計

我改左吾要一圈，只要半圈碎鑽

所以個圓被分成兩部分

 另一半圓就做左半圈鑽石，再加珠邊

所以個戒指 係可以呈現兩款設計，

只要轉一轉隻戒指，就有另一款設計出現

呢個角度可以睇到碎鑽同鑽石珠邊既吾同

 果半圈碎鑽好閃

睇實物係可以睇到一條閃既線 

 隻戒指係做左磨砂面，

加埋一圈碎鑽又出現好吾同質地

係碎鑽石 果邊我同Mr.J一人送左一句說話俾對方

而果兩句說話係到第二次去睇半成品時，

大家先知送給對方既說話，都幾好玩！

係鑽石＋珠邊既側面就刻上我地BIG DAY 既日子

字款都有得選擇既

內圈都可以再刻上英文名

 呢隻係Mr.J既，佢吾鐘意太花巧。但婚戒要做到一對!

正面一樣有90度刻字，就只放一粒鑽。

簡單得來又有小小DESIGN，

戒指一半左磨砂一半光面，效果會出D

個圈都加闊左！女裝戒加闊，相對Mr.J 果指戒指都加闊左

每一樣細節都係我＆Mr.J同老闆&老闆娘一齊傾

佢地又俾左好多建議，做吾做到呀！有咩好有咩吾好

老闆又即時拎筆記出來，畫晒草圖，

詳細寫低我地所要求既野！！ 

而售後保養都有

圈大細都可以改！ 

 好快由訂造到起貨都係兩個月內

呢個係訂酒席之外，另一超快完成ITEM

 我們的完美婚戒

KJ ♥ 戒指枕 ．半DIY

 

戒指枕當然要同証書套襯返一套

同樣既閃石及珍珠組合

一樣要調教各種材料既角度來遷就返

原裝綁戒指絲帶得兩條，咁其實吾夠用

唯有加多兩條俾佢！！

 ♥

♥ 

 背面都有絲帶，咁就可以拎實ｄ個戒指枕

 ♥

 完成品！

KJ ♥ 結婚証書套 ．半DIY

    

 點解係半DIY,本來想自己買材料嚟整,度好晒尺寸......

竟然俾我見到一套 清清地純白色既 "結婚証書套+戒指枕"人仔88蚊

 立即買左佢，諗住買返之後再加工啦！！所以佢係半ｄｉｙ囉 

好耐之前朋友俾左兩塊好古典有埋珍珠既LACE我

派上用場，一塊過貼上．當然度左好耐既角度啦

係本証書封面一定要有個亮點

大大粒閃心係朋友送既！THX

手縫上閃石及珍珠捆邊

同埋D LACE 好合襯

再貼上之前買既水晶，逐粒貼上去

內頁佢本身有線固定張証書

而我就再加上心型幼身LACE

右手邊係放相，度左個尺寸，

拎張婚紗相出去印相紙（一張$10），大過8R尺寸

所以係平過拎去曬相鋪曬相(8R16hkd一張)呀

　咁就完成左!!!慳左好多時間!!!^^

KJ ♥我們的LEGO 手花襟花 - Donald Duck & Daisy Duck

真係好鐘意唐老鴨，又俾我搵到佢地既LEGO款

即買左嚟做我地2個既手花襟花

當然砌LEGO呢個任務就交俾Mr.J啦

　

呢個就係造給Mr. J既襟花！其實隻鴨都幾重下！

所以上扣針之前最好就度左尺寸，個扣要放最頂個位

先撐到隻鴨仔

而這款係造給自己既手花，同Mr.Ｊ果個襟花襯成一對

如造一對新人以及兄弟姊姊既襟花手花想有一系列既感覺

係配襯上要有一些共同既材料元素，咁就算用吾同既花，

都可以呈現一系列感覺