KJ ♥ 結婚証書套 ．半DIY

    

 點解係半DIY,本來想自己買材料嚟整,度好晒尺寸......

竟然俾我見到一套 清清地純白色既 "結婚証書套+戒指枕"人仔88蚊

 立即買左佢，諗住買返之後再加工啦！！所以佢係半ｄｉｙ囉 

好耐之前朋友俾左兩塊好古典有埋珍珠既LACE我

派上用場，一塊過貼上．當然度左好耐既角度啦

係本証書封面一定要有個亮點

大大粒閃心係朋友送既！THX

手縫上閃石及珍珠捆邊

同埋D LACE 好合襯

再貼上之前買既水晶，逐粒貼上去

內頁佢本身有線固定張証書

而我就再加上心型幼身LACE

右手邊係放相，度左個尺寸，

拎張婚紗相出去印相紙（一張$10），大過8R尺寸

所以係平過拎去曬相鋪曬相(8R16hkd一張)呀

　咁就完成左!!!慳左好多時間!!!^^

KJ ♥我們的LEGO 手花襟花 - Donald Duck & Daisy Duck

真係好鐘意唐老鴨，又俾我搵到佢地既LEGO款

即買左嚟做我地2個既手花襟花

當然砌LEGO呢個任務就交俾Mr.J啦

　

呢個就係造給Mr. J既襟花！其實隻鴨都幾重下！

所以上扣針之前最好就度左尺寸，個扣要放最頂個位

先撐到隻鴨仔

而這款係造給自己既手花，同Mr.Ｊ果個襟花襯成一對

如造一對新人以及兄弟姊姊既襟花手花想有一系列既感覺

係配襯上要有一些共同既材料元素，咁就算用吾同既花，

都可以呈現一系列感覺

KJ ♥ 囍帖篇-火漆印章

 對於火漆封蠟有一份特別既喜愛

當開始製作囍帖時就立即訂造一個屬於我們既蠟印

囍帖選擇左大紅色

而蠟經過一番比較之後

決定用紅金色

印出來好搶眼呀

 個印好有質感，刻得好精細，好多幼細地方都整到

個LOGO係自己設計，之後SEND個EPS FILE俾果間公司

佢CHECK完之後回覆，是否做到或者如何修改

而且回覆好有效率，廿幾蚊貨仔已好超值

金色印配上木柄好古典

火漆槍都買埋,因為要大量製造^^

整之前一定要先鍊習幾次

掌握左個印的角度

又要留意蓋每個印之間要預留印完冷卻既時間

印大約4-5個之後，要清潔下個印面，印出來會更清楚! 

 原來派帖加製作是長期作戰呀

請預留1-2個月來整....

KJ ♥ 花車公仔 - Donald Duck & Daisy Duck

 呢對公仔由構思到完成，用咗幾個月時間

中間斷斷續續咁鉤，因為得Donald Duck有日文鉤圖，都要修修改改

原圖用咗不織布去做五官，而我就嘗試改成用冷線去整，出嚟效果好滿意

公仔尺寸方面，一邊鉤一邊量大細，預返ｄ位！超大工程！

而Daisy Duck就要自己跟Donald Duck既圖再改修，真係大執！

最後都趕到係上年十月帶埋去影Pre Wedding！

而係BIG DAY 當日就做左好重要角色，

我地既花車公仔及晚宴decoration

 做花車公仔，當然要有好多花陪襯

心型花座,個型執左一段時間,因為兩邊對稱!

D花類型及顏色都有經過精心配襯，下次再來分享買花經過

 雖然花車公仔只睇前面，對每樣野都有要求既我，

當然吾會就咁算，一樣有用花去裝飾

BIG DAY 當日，花車公仔既造型

同之前想像係一樣，超鐘意

同埋好多謝好姊妹借出呢架靚車俾我地！

而ｖ型絲帶係買左紫色 有凹凸紋，同白Lace閃銀線配襯

係未整花車公仔之前，聽講好多花車公仔飛走事件，係我結婚前幾日

都有單新聞報，我真係好擔心.......

所以我用左好多方法固定個公仔同個花座，之後用花遮住

亦都好多謝D兄弟幫手綁實及固定花座！

好成功！

KJ ♥ Big Day - lace高跟婚鞋

BIG DAY 要著既鞋款,平時都好少著!

除非平時著慣高跟,所以當日著既婚鞋對我來講都係一個難題

我又吾想買太貴一對,因只著1-2小時

所以我又上taobao搵啦

今年好興lace質地

考慮同比較左之後,我揀左其中一間來買!

先講白色lace,好鐘意個款,整體簡單得來又有質感....因為lace質地!!^^

不過個蝴蝶結好膠,打算買返來換返個lace造既花落去

一樣係吾夠時間!!!-__-"最後都冇換到

呢對係迎賓及註冊著,著左都ok

個場地鋪晒地氈,所以果幾個鐘都好ok

 

紅色呢對同白色係同一個款,個紅色蝴蝶結望落又吾會太膠

係敬酒時著,我果條紅色晚裝係由大脾去到腳都係半透,

買呢對鞋時都考慮是襯到,到現場著時都ok,半透中還可以睇到對lace鞋,又顯得人高d ^^

但BIG DAY 當日既相未返,好期待,吾知影吾影到....

呢對係白色lace底黑色邊

襯返送客紫色晚裝(晚裝上有黑色蝴蝶綁帶)

咁就搞掂BIG DAY當日既婚鞋

如果你問我好吾好著,我每對鞋最少著1個鐘，最多2個鐘

而且現場係鋪地氈,我冇係街著過

如買來BIG DAY 果晚著果一陣我覺得ok，以咁既價錢^^

有時見到對鞋吾襯套晚裝,雖然好多時都吾係好見得到!!

都係以防行緊果時，攝影師影到

KJ ♥ 褂及褂鞋篇

選擇套褂，都真係要合眼緣

鐘意多D紅色,多D金線,唔想成件都係金銀色

所以選擇咗小五福(金龍金鳳)加波浪腳款

褂鞋就想搵返一對襯返，要紅色及加金線，又想有d新意

花咗好多時間, 終於俾我搵到啦! ^^

平時都吾著高跟鞋,但之前朋友結婚做姊姊時,試過呢d,有防水台既鞋,係行得穩陣!

所以買褂鞋時都係專登買呢d款,收到鞋真係冇令我失望!!好正

戒指枕‧一份心意

好友結婚

送上DIY 既戒指枕

 已經係第２次整戒指枕呀

＾＾成為了指定動作

度尺寸，裁布，塞棉花

之後要諗下個朋友會喜歡既款

每個人喜歡既野都吾同．．．．

 釘上LACE片做底

呢個朋友超鐘意ｄ閃石既野

冇錯，戒指枕上既閃石係一粒粒人手加上去既

其他就手縫上去

份心意亦都代表一份幸福！

KJ ♥ 婚鞋diy

 玩開手作

冇理由結婚時吾幫自己整返一對呀

所以我就上網搵左好多資料 

 點樣既鞋著得舒服

而自己又想影咩類型既結婚相

點先襯到...原來都要諗好多野!!

都準備左一排 





  對鞋上面用左好多自己鐘意既元素,

有lace,仿珍珠,以及最近新學既布花

畫完紙樣再一塊塊剪出嚟,手縫組合

真係好考手工!



 用左一日時間去完成

完成品超鐘意呀!!!

織皮卡套

學完織皮袋, 就玩織卡套
自己畫紙樣同款式,比起正常卡套大左小小
咁就可以放d特別既証件啦!!!

繡埋個名,上埋裡皮,超複雜!!!
^^

織皮最煩就是計數了.....
同埋調校位置,呢個部門還是做得未夠好!!

最後上完邊油就完成了.....
過程好複雜,完成之後勁鐘意!

變身-皮革卡套

變身之後,加多咗一塊皮,加多個花樣
咁就多出一格!

原本印咗d圖,用咗成年,已慢慢變淡左

最後決定加多塊皮遮一遮佢