Monsters University ．單眼仔

^^

http://kungenomajkis.blogspot.co.il/2014/01/virkat-monsters-inc-bokmarke-med-monster.html

 係網上見到呢個pattern，好得意呀，一定要鉤返個啦

但德文呀????，睇吾明，唯有自己寫鉤圖

實在太得意啦

 我鐘意佢有頂帽呀，鉤返一頂俾佢先！

 HAHA，原來佢係書籤，係吾係好得意呢，
呢個就係令我放低手頭上其他野

鉤咗佢先既動力

KJ ♥ DIY兄弟襟花．足球係主角？

 Mr.J 好鐘意足球又踢開波，所以我地個婚禮幾樣野同足球有關，

我地既Pre Wedding 有一Part既主題係足球，

我地個Wedding logo 都係以我地支持果隊波攞靈感，

當然唔少得兄弟襟花。

呢Part又係Mr.J負責，玩得好開心 。

用張足球圖加上我地個日期，

再上幾層水晶膠。

 照燈，5分鐘快乾

 再上支撐，材料係束繩

 絲帶加上寶石

 最後步驟係加上絲帶

咁就完成咗兄弟襟花

 新郎都整返個襯衫

當然要加多2朵花，特別D

兄弟個款

新郎果款

要多謝兄弟姊妹假日來幫手DIY，

先可以快速地完成！！

KJ ♥ 打造一個屬於我們的Candy corner

Candy corner 個LOGO亦都係我地個wedding logo

佢另一邊係"200分愛的宣言"

係唔係好實用呢

 

打造一個屬於自己的Candy corner其實唔難

一book咗酒席，就立即問咗當日會提供幾張枱俾我地做Deco

拎埋尺寸!! (咁買野預位就容易好多)

 睇咗咁多資料發現，Candy corner一定要有棉花糖，

因為佢係淺色系，顏色好靚，同埋大人小朋友都鐘意食

當然一定要粒粒都大既，咁就預咗個最大個樽放

扭紋及心型棉花糖，玩夾糖樂

呢幾種搵咗好耐
係一間專賣零食批發搵到，格過價算係最平！

 當然每個玻璃樽都加左D裝飾

做左D名牌，自己PRINT 相紙，剪埋

加埋兩層絲帶（襯埋色）

當然唔少得 CUP CAKE

本身都準備咗餐前小食又有細件CAKE，驚預備太多，

CUP CAKE 改成泡芙，一個盒放2個（問過朋友，個個都話好味）

當日都好受歡迎，添咗幾轉已食晒

當日新鮮出爐，要出發去擺酒地方

先搵兄弟去果間鋪買！

 

CUP CAKE三層架，購於N年前，美國製，好精緻

 一直都好鐘意食金莎，

準備Candy corner時，佢都係名單上

金莎都算大粒，又想賓客容易拎到

大大個開口玻璃盤最合適啦

＾＾

 

亦都準備咗MINI 珍寶珠，兒時最愛

I LOVE U 紙盒，搵咗好耐先搵到想要既尺寸

而字款又簡單，紅字白地又啱婚禮用

 

 個紙盒好方便拎，

　大家可以選自己喜歡既，放落個盒度帶走！

未折之前個樣！

 而我個花球亦都成為Candy corner Deco既一部分

 未用得著時就可以先放係玻璃樽上

 亦都有準備M&M，但我就冇倒出來放

本身都想買 LOVE 字母碟

考慮之後覺得唔實用，同埋拎來食唔方便，

所以就買咗 M&M 三角型細細包

塞滿晒成個玻璃樽！

細包裝分兩隻色，咖啡色同黃色，兩隻色都好搶眼

 細細包，方便拎！

 白兔糖，MR.J要求加買，我認真咗

真係買咗，又係大家都鐘意食

出到來效果好好！！

糖果唔一定要好特別，最緊要自己鐘意

點配搭都OK，總有D驚喜！

夾糖一定要準備靚靚心型夾啦，細細支好好用

貼係樽度既名牌

用相紙印好靚，剪既時候用細把尖咀剪，線條靚好多！

我地個Candy corner所用既玻璃樽

最上果行左一同右一係朋友係借我既，呢2個係最大。

中間最大個圓圈都係朋友借返嚟（似平時放生果用）

其他係淘返嚟（質地OK，又做緊特價，D樽送嚟又包咗好多層），

亦都有之前買落，屋企用緊

所以唔一定個個樽要好標準同好靚

最好就先列出想買既糖果，再買樽

今次淘返嚟既樽婚後用嚟放冷線球！^^

米白色CUP CAKE 三層架，係可拆式，

每層都可以拆開，方便攜帶

我放屋企當裝飾,放公仔

或者有時可以TEA一TEA

呢張圖係屋企開壇^^"

試下位置及放D野食落個樽到

影埋相話返俾D兄弟姊妹邊個樽放邊隻糖果

每樣野既擺位，當日負責既姊妹就可以快速既擺返出嚟！

米白色CUP CAKE三層架

最上係一個圈，要諗方法整個牌上去

即時拎現成粗既束繩貼上去相紙度，

再用3M粗雙面膠紙去固定！好好用，又穩！

食晒D泡芙，負責既兄弟姊妹竟然諗到咁放！

好有心思一層層放好PCKE好既糖果

好正，物盡其用！

有紙盒當然要準備定D靚靚LACE印膠袋

襯上紅色白點絲帶，事先打好蝴蝶結用綁上銀色包裝帶

事先準備好材料，PACK野冇難度

PACK到一袋袋，方便賓客拎

有時大家見到個 Candy corner未必敢拎好多

係唔想浪費情況下

就安排咗兄弟姊妹利用我地行禮時候，
佢地就PACK晒一袋袋，逐枱去派。

咁就順利完成左

屬於自己的Candy corner，好開心好多朋友都好鐘意

又同Candy corner影合照

我地兩個主角竟然忙到唔記得同佢合照一張呀

好在朋友同埋攝影師都有影

＾＾

好似好易，其實背後

付出好多時間去搵資料買材料，格價！

又有兄弟姊妹，屋企人抽空幫手 DIY啦

好有義意！

Once again, thank you all!

KJ ♥ 200分．愛的宣言

通常愛的宣言都係網上抄一抄啦

係準備個婚禮既時候

我問咗Mr.J ，我係網上搵一篇定係你自己寫呢

 Mr.J 話梗係我自己寫啦，之後我就好似冇咗件事，其實唔記得咗

（咁過咗幾日，有晚Mr.J 遞咗張A4 紙俾我）

一打開，係冇錯，係A4紙上手寫的一篇（愛的宣言）

果一刻真係好感動呀！

（由篇文字的意思及發現每行都控制七個字數，
又有D押韻

睇到佢真係好用心去準備）

而關於愛的宣言，唔想就咁拎出去印一張平面既圖

諗咗好耐，要有D創意，又實用。

 係不織布上刺繡中文字

由細玩到大既好姊姊幫手整，

同埋多謝佢大住個肚都幫我手刺繡呢一篇愛的宣言

刺繡完D字，BB就好似要出世，所以我覺得佢好有心，係呢個時候都幫我手

佢生完BB坐完月，又做我婚禮個姊妹＾＾勁

 每個字剪成一個心型及一個正方型底

因為要做立體D

 我要逐個字縫合及塞綿花，再修剪個形

 縫合左77個字之後就排好佢，

當然位置及尺寸又係度左好耐

呢個部分就由Mr.J幫手啦

再逐粒珍珠沿個邊粘貼上去

 咁就完成咗呢個200分既愛的宣言

 背面係我地自己設計既LOGO　

呢個尺寸係用嚟整(愛的宣言)

亦都有製作一個更大既係Big Day 當日掛上個舞台

 當日接新娘用，再加埋自己鉤既唐老鴨簽名筆

作為玩遊戲一部分

 簽名中＾＾

讀愛的宣言既時候

正面就見到我地個LOGO

係酒店接新娘影大合照，拍片亦都係用佢，

而晚上就用係Candy Corner Logo

咁有意義得來又好實用

＾＾

個婚禮籌備左成年，而Mr.J由頭到尾都參興其中

每一樣野我地都有討論，綜合兩個人既意見，之後完成

其實好多野俾錢就買到

佢知我好鐘意手作

就任由熱愛手作的我，DIY婚禮上各樣野，

佢就係旁默默幫手同埋支持！

LOVE U ^^