今次既主題手作小聚係整書套及匙套
同幾個朋友睇書齊齊研究如何整，真係好開心！
忙左成日，由去買材料買布到整完，
＠＿＠都買左好多布，材料！！＾＾
為最鐘意既厚身無印良品筆記整左個套！
因為本野封面係軟既，套左個套之後好有ｆｅｅｌ！
拎上手舒服左好多
吾似之前好驚太大力撕左個封面！
而呢本係ａ５ ｓｉｚｅ，薄身
加上個套之後更有份量了
加上個華麗雕花扣
睇下側面先，係咪好有質感呢！
＋＋＋＋＋＋＋＋＋＋＋＋＋＋＋＋＋＋＋＋
再嚟就係好驚喜既 ”鳥籠匙套 ”
鳥籠里養既吾係小鳥，係一隻長腳雞
事關朋友ａ話：要整個匙套要咩款呢，又吾想照書整！
最後大家傾完，覺得鳥籠造型好ｏｋ
之後就起草圖啦
而我就想用素麻布再刺繡鳥籠上去
但繡左個框之後先諗起，係先有鳥再繡個框
定係繡完框再來放鳥．．．．咁隻鳥就吾係鳥籠里面啦．
諗緊既時候，吾小心好大聲問左出來
ｙｏ：係先有雞再繡個鳥籠，定係繡左鳥籠再放雞入去
之後聽到大家係度大笑
因為我吾係講鳥，係講雞．．．．
之後就順水推舟
請拿手畫插畫的朋友ｂ畫左佢設計既長腳雞上去！
朋友亦好快手搬出工具，認真畫起上嚟！
之後我再繡返鳥籠
咁就完成左個 獨一無二既匙套！
幾有趣！＾＾
後面用左我最鐘意既綠格仔布！正！
＾＾介紹完
